ბოტანიკურ ბაღში არსებული ორანჟერეას აშენების სავარაუდო თარიღია მე-19 საუკუნის 40-იანი წლები. ორანჟერეას მეორე სართულზე განთავსებული იყო სასტუმრო ოთახები, პირველ სართულზე ბებაღის საცხოვრებელი ოთახები, თონე, საყვავილე ქოთნების გამოსაწვავი ღუმელი. ისტორიული წყაროები მიუთითებენ, რომ ბოტანიკური ბაღი და აქ არსებული ორანჟერეა განსაკუთრებული სილამაზით გამოირჩეოდა, მისი ბადალი მთელს კავკასიაში არ მოიძებნებოდა. ორანჟერეა დაიწვა 1856 წ. ბოტანიკურ ბაღთან ერთად ომარ ფაშას შემოსევის დროს და მის შემდგომ არ აღდგენილა.
